سيبي الدنيا
سيبي الدنيا تدوب فينا
و تشوقنا و تبكينا
خلّي قلوبنا تعيش فرحانه
زي ما فيها الجرح و ألمه
فيها الفرحه اللي بتطوينا
زي ما فيها البعد و برده
فيها الحب اللي مدفينا
شمس النور بتغيب و بترجع
و الأحزان بتقوم و بتهدا
لكن الحب هيفضل فينا
و طول ما الحب ساكننا تالتنا
آى آهات هتدوب حوالينا
سيبي عنيكي تقول علي شوقها
فرحتها بتلمع في شروقها
و أنا و ياكي نهار و غروب
نورك ضيي و بيه مكتوب
مكتوب إنك شمس نهاري
و أنا بستني الصبح يا دوب
أوعي تقولي الحب تعبني
و لا تقولي حبيب مجدوب
دي أنا وحياتك
و حياة رمشك
و حياة سحرك لسه يا دوب
لسه أنا بوصف أول ضحكه
و أول همسه و أول توب
و أول أيامنا و ليالينا
سيبي الدنيا تقول ما بدالها
راح ننساها و هنبدلها
مهما تميل راح نعدلها
بالحب و بالشوق نشغلها
علي أجمل حاجه تودينا
و تعدينا, و متقدرش تبكي عينينا
سيبي الدنيا و مالك بيها
و دنبا أحضاني أجري عليها
هتكون ليكي الدفي ف البرد
و ربيع مليان عطر و ورد
و أنا أصحابك و مفيش حدّ
تاني هيقدر يبعد فينا
سيبي الدنيا تدوب فينا
ليست هناك تعليقات:
إرسال تعليق