يا أميرتي
الدموع دي عندي غاليه
يا أميرتي
ليه تسيل اللؤلؤه من عين حبيبتي
مالي فيكي و فيه مالك
ياللي ساكنه القلب مالك
كل دمعه
تهد فيّه
و تطفي من روعة جمالك
بسألك أنا .......... ليه سكتي
بندهك أنا .......... ليه بعدتي
ماتقوليش إنك خاصمتي
ماتقوليش إنك تعبتي
و إن غلطت في يوم يا غاليه
إرمي أوجاعك عليه
قلبي راح وياكي طايف
ماهتداش غير لما طبتي
يا أميرتي
ياللي اسمك بس سيرتي
ياللي رسمك جوه صورتي
ليه بتبكي ؟؟
و قلبي عاشقك بس أنتي
مهما جيتي و مهما رحتي
الكلام كله عشانك
و الغرام في القلب صانك
طب دي أنا من كتر حبي
قلبي متكلم في صمتي
يا أميرتي
دي اللي جرب يوم أمانك
يفدي كل شيء عشانك
ضي روحه لشمعدانك
يهدي عمره عشانك أنتي
الدموع دي عندي جارحه
نفسي أشوف ف عنيكي فرحه
فرحه غابت عن حياتي
لما من قدامي غبتي
يا حبيبتي
البكي للي آذاكي
ماتزيديش ناري و حيرتي
قلبي جاب ليكي دواكي
قلبي حاضنك
قلبي ساكنك
قلبي قاللي إنك سامحتي
و إن عمرك من النهارده
اسمه وحده و يدّ واحده
اسمه قوه و أسمه أمه
أمه قامت لما قومتي
لما قولتي إنك تعبتي
جينا نجري عليكي نتمردغ في أرضك
دمّنا سال لجل خاطرك
كلنا هنا رهن أمرك
يا حبيبتي
كل أولادك فداكي
كل أولادك هنا رهن أمرك
يطفوا نارك من دموعهم
و يصونوكي ما بين ضلوعهم
مايخافوش م اللي مانعهم
مايداوّش اللي واجعهم
كل آهه في عذابهم
بكره هتطيب لو ضحكتي
يا أميرتي
ليست هناك تعليقات:
إرسال تعليق