قولي بس ماتكدبيش
*************
==========
يعني إيه محتاجه ليّه
و أنتي ليه مابتعيشيش
يعني إيه عايزاني جمبك
و أنتي جمبي مابتكونيش
أمشي ليكي بلاد و أحارب
و أنتي كلمه مابتقوليش
اسبحي في بحور حياتي
عن شراعي ماتبعديش
و أما أجاوبك عن سؤالك
من سؤالي ماتهربيش
قلبك اللي ملك حياتي
ليه حياتي عنده طيش
ناسيه ليه الفرحه عندك
و الكلام مابيتحكيش
قولي عاشقه , قولي كارهه
قولي خايفه , و متخافيش
جوه حضني ليه بتبكي
تتعبي و لا ترتاحيش
أنتي قابله و لا رافضه
قولي بس ماتكدبيش
قولي بس ماتكدبيش
ليست هناك تعليقات:
إرسال تعليق