مليون لجام
رغم الأنين
رغم العيون المكسورين
هتكمل المشوار لفين
هتعلم الأخلاص لمين
زمن الآمان دى كان زمان
و مات أوان الطيبين
حتى الحنين
مبقاش بيداوى بدوا
و لا عاد يطيب من كلمتين
اسمك حسن
اسمك حسين
مبقتش تفرق أنت مين ؟
لو كان معاك
هتكون ملاك
ممعاكش كون م الملعونين
هتبيع بكام
طب بيع أوام
غيرك مبعش و عاش حزين
طب بعت ليه
و هيفضل أيه
قدرك تعيش م المحرومين
مسجون هنا
بين حضننا
بيعذبك صوت الأنين
ليه يا وطن
مليان محن
بنتوه و نفضل مقهورين
و ف دمنا
يجرى المنى
أبكى علينا بألف عين
ياما طوفنا فيك
و تعبنا ليك
ردتنا ليه كده مهدوين
شجرة هواك
طرحت هلاك
ما إحنا على الشوك مولودين
بندور ف دار
ذل و مرار
خايفين و مش مطمنين
نحلم دموع
نصحى ف دموع
و نقوم حيارى و تعبانين
طرح الظلام
مليون لجام
و الحق غمض و العنين
ليست هناك تعليقات:
إرسال تعليق