أنا العاصي و أنا المسؤل

         أنا العاصى

أنا العاصى و أنا المسئول

عن الكلمة اللى صارت صمت

عن القلب اللى أصبح صنت

عن المعقول و اللى مش معقول

عشان حبيت أبوح و أقول

بقيت عاصى و بقيت مسئول

بقيت قاتل و أنا المقتول

أنا العاصى اللى مربوط فى سلاسل قهر

قالوا لى أنى اللى حطيت المرار فى المر

و أنى سرقت طولة البال و خدت الصبر

و أنى بعلم الأجيال لغات الشر

و إن الميه دى بتروى و عال العال

و إن الضرب فى الميت مباح و حلال

و أنا المسئول عن الفقر اللى فى الأدغال

عن اللى منامشى و اللى مكالشى و اللى إتقال

عن اللى ما عاششى  و اللى الذل فيه كخيال

عن اللى ما داقشى طعم أمان و راحة بال

عن الغارق فى بحر الحلم و هو فى مركب الترحال

عن الهارب كساه الدم و ضاع منه الحبيب و المال

و أنا العاصى اللى تعبان و الدوا معدوم

قالوا لى أصرخ و عمرك مش هينقص يوم

و مهما تقول و تتكلم عليك اللوم

و مهما تثور و تتألم أكيد معدوم

و إن العدل للأسياد و للى بماله متحكم

و مهما نكون معانا تكون تِأمن لينا و تسلم

و إنا المسئول عن الحق اللى عاش مكتوم

عن اللى إتهد و اللى إعتد و المشئوم

عن الحلو اللى أصبح عاللسان مسموم

عن الضلمة اللى خبت ضيها المعتوم

عن الغلبان داسوه فى زحام

و مات من كل شىء محروم

عن الولدان مناه يكبر

ينام و يقوم فى وسط هموم

أنا العاصى و أنا المسئول

بكل حواسك

    بكل حواسك

أنت بتــكــــدب على إحساسك            عايز تــــــنسى و قـــــلبك عاشق

و إذاى أبقى بكل حــــواسك  ؟          و إذاى روحــك مــنى تفــارق ؟

هيــطيب آيه يا مــفارق ناسك  ؟           هتعيش فين و المـــركب غارق ؟

أصبـــر بقى أرجوك إتـــماسك             و أوعـــى تـــروح للبعد الحارق

أنت مكــــانى و أنا نــِــبراسك             و أنا أغـانيك و الحب الصادق

و أنــــافجرك و سيوف حراسك            و أنا أمــــلك و الحلم البادىء

اللى يحــــــــــب بجد بيصـــــبر             و اللى بيـــصبر بكـــــره قريــب

و اللى يصون عمره ما بيفكــــر             يبعد يوم أو لحظــــة يغـــــــيب

جرح الدنيا صحــــيح بيمـــــرر             بس الوقت آسيــــر و طبـــــيب

إذاى تــبقى سعـــــــيد فى غرامك  ؟             طول أيـــــامك و مــــــا تبكيش

أنت نسـيـــــت أن دى أيامـك            ساعـة بتــدى و عشرة مــفـــيــش

و أنا و يــــــــاك فى هواك و ألآمـــك               بــهـواك هــفــضــل أحب و أعــيـــش

قلبى برىء

قلبى برىء

بلاش تعـــــــتب على قلبى   دى قلبى برىء و بيحبك

روح اعتب عاللى باع ودك و ساب قلبك و خان عهدك

        جلبت الشـــــــــك و الحكايــات رميت الود من غدرك

تصدق لـــــــــيه كلام الناس و قلبى معاك عايش جمبك

مفيش دقة ولا أحســــــاس ولا ذكرى لحبيب عاش لك

شربت غرامى أجمل كاس سقيـــــتنى ليه هوان حبك

أنا و العـمر كنا أخــــــــــــوات يفكرنى و أنــــا أضحــــك

يجيـــــــنى الشوق أغنى آهات لحد ما تيجى و أضمك

بتجنى علــــينا ليه يا سكات و تكـــــسرنا بنار وقتـــــــــك

      

بتدوب جراحنا

بتدوب جراحنا

بتدوب جراحنا و تتنسى

لما السنين تشد السنين

و ما ماتشى قلب من الألم

و لا من البكى بتجف عين

و أن يوم رجعنا بفكرنا

يتهز جوانا الأنين

و يمر مشوار عمرنا

و يشدنا الشوق و الحنين

كام ليل سهرنا لوحدنا

بنقول سنين الجب فين

كام آهه تعبت مننا

كام ذكرى و إحنا مجروحين

إرتاح يا قلب    كفاياك بقى

أوجاع و كدب   من غير لوىء

و إذاى تحب و الشوق شقى

                  يوجع قلوب العاشفين

ع الأصل دور

عالأصل دوّر

عـــالأصل دوّر و أهـــدى و فـــكـّـــر

و إســـمع كلام والــديك يـــرضيك

و أســعى و دوّر عـالـلـــى تـــعــــمّـــر

بيـــتك و تـِـمـلا الـدنــــــيـا عـــليـك

همــا اللى ربــــّوا شـــــا بوا و تعبوا

شـــافــوا كتـــير و كتيــر قبـــــــليــك

إياك خصامــــــــهم و إسمع كلامهم

دى  الــطـــاعـــــه ليهـــم أمر و دين

عايزين سعادتك شايفين مصالحك

دول مــهمــا تقــــــسى يحنوا عليك

بــنت الـــحلال هــى الـلى تـصـون

هــى أم قلـــب كبــيــر و حنــــــــون

هــى  الـلى مـهمــا تغــيب عــنهـــــا

و تــــعــود لــهــا بـــتــكون مـــمـنون

بنـــت الأصـــول تــستر مـــا تقــــول

تصبر على الحال كده على طـــول

حــسـّــــه بـرضــا مــهـــــمــا الأيــــام

تــــاخد و مــهمـــا الخــير بيــــــزول

أم  الـــــــــولاد تـــزرع و تــــربـــــى

عــايشه فى جهاد و لحد ما تشــبى

                                 طـــول عــمــرها تفــديك بــالروح

                                 لا حنـان بيدوب ولاشوق متخبــى



بتوعدني ببكره

بتوعدنى

بتوعدنى بــبكره أعيش             و آلاقى بكره ما يكفـيش

أنا عايزاه زمــــــن كله             يكون بسـتان و أنا ضــله

و أكون كل اللى فــاضله             و فجره و نسمته و أملـه

يتــوعـدنى و بستـــنى              يجينى بكـــره بالأفراح

و أعيش على أملى و أتمنى             و يجى بكــره كله جراح

و أعشــم قلــبى بالجنه             و يصحى الحلم كل صباح

بـرىء اللـى قــدر يحلم             فى وسط الدمع و الأحزان

لاقادر من الحــياه يسلم             ولا فى الحـب ليه بستان

ولا من جــرحه مــتكلم             ولا حـس بحــنان و امان

لو فارقه معاك في حاجه

أى حاجه

لوفارقة معاك فى حاجة  هتعمل أى حاجه

بتهون أذاى سنينى ؟ و هوان قلبى و حنينى

و دموع ساكنة فى عينى ولا شايف أى حاجة

الضعف أذاى بيسكن فى قلوب بالحب عاشت ؟

كانت احلام و صحيت و لا أيام و فاتت ؟

اشواق القلب ندمت دى حتى الذكرى هانت

ضحيت بالكون عشانك و عشانى عملت أيه؟

مليت من حب قلبى مش سايبه يمشى ليه ؟

تاه قلبك ليه فى دربى و الوفا ودعته ليه ؟

لو عمرى الماضى ينطق و لو الأيام تقول

هتقول أذاى بتعشق و تسيب الشوق يطول ؟

و هوانا يضيع و يغرق قدام صمت العقول

إنت ميّت للنهاية

      إنت ميّت للنهاية

مش كفايه إنك رمتني

جاى كمان بتدوس عليّه

ما إنت عارف إيه تاعبنى ,

و إيه مطالبي , و إيه اللي ليّه,

بعد ما الشوك هدّ فيّه

و الدموع خليتني أغرق

ليه بتستنظر هديه,

و تفتكرني  بدوب و بعشق

فات أوانك,

راح  زمانك ,

نام حنين الحب فيّه.

ضعت منك,

لما وسط الناس بعدت,

و سبت أيدى .

جوه بحرالخوف رمتني ,

سرقت عيدي

باللي ساكن فوق جبال الوهم ,

حاسب ..............

ياللي سارق عمري منى

ياللي دافع قهري مهري

ياللي تانى بذللى ضهرى

فكر إنك يوم تعدّ

أو لنفسك يوم تحاسب.

كام سنه ؟؟ ............

و إنت قاعد  ...........

فارد البسمة الغريبه

و ف عيونك دهشة

دهشة التعبان بيتلفت بطيبة.

بس حاسب,

و إنت ساكت,

و إنت بتغـمض و فايت,

يوم تقع و تطب ساكت,

و تبقى هيه دي النهايه

مش كفايه ؟؟ ...........

ليه بتترجى الحياه

و إنت ميت للنهايه.

و إنت دايب من شقايا,

و من بكايا

عشت طول العمر جمبك

عايزه أفهم ,

عايزه أعرف حاجه واحدة

إنت ليه مانتش معايا

ليه بتتنفس جراحي ؟؟

و تشفط الدم اللي صاحي

مش كفايه؟؟ ...........

لسه سيفك فيه راشق ,

ليه بتصلبنى ف جدارك ؟؟

رمز طغيانك و ظلمك؟؟

رمز جهلك و إنتصارك؟؟

شوقى عدى و الموده

لما غرقت الغرام ,

لما عشتنى بكلام ,

و ف مشاعرى لقيتني بارده .

و اللي رحت دفنته قلبي ,

و اللي باقي ف صدري غضبي ,

و حتى لو هــ تضيع

جوارحي كمان معايا

للنهايه ...........

راح أقولك مش كفايه,

ياللي ميّت للنهايه.

كان نفسي أفرح

كان نفسى أفرح

كان نفسى أفرح

زى أى بنت عادية

كان أرسم فرحتي بريشة قوية

الدبلتين كانوا حلم بيرفرف عليه

الفرحة طالت هيه راحت ولا جيه

أمي الحبيبة ماتخافيش

بنتك عصية

و إن كان قدرها الوحدة

مش هتعيش بلية

و إ كان قدرها الدمعة

هتكون متدارية

و إن يوم خطفنى البرد

هفتكرك يا أمي

هسكن ملامحك

بعدها هقفل عينية

بصمة أيديكى الطيبة

دايما يا أمى

بتردنى لحالى و بتطبطب عليه

أمي الحبيبة كان منايا أبقى أم

تفرد بساط الفرحة و تطبطب تضم

بس القدر خلاه يا دوبك بس حلم

و رضيت يا أمى

لجل ربي ما يرضي عنى

و أديت كتير إخلاص

و حب الله ساعدنى

و فرحت بالفرحه ف عيون المجروحين

ف البسمة لما بتطيب آهات المجروحين

و لقيت حياتى ف حضن أحلامي البريئة

الخير و حب الناس آمان و كمان حقيقة

بدلت خوفى و وحدتى بأجمل طريقة

إطمنى .......... إطمنى و أرضى عليه

كل الكلام شايلاه ف قلبى بيجرى فيه

و كرامتى غاليه و عزتى ما تهون عليه

أمي الحبيبة ماتخافيش بنتك عصية

قدر اللي عاش يحلم بفرح الدنيا ديه

قدره مجاش

و لا جت له آيامه الهنية

كان نفسي أفرح زى أى بنت عاديه

بخاف منك

بخاف منك

بخاف منك ............

و أخاف قلبي يأمن لك

و لأخاف أهرب ألاقينى

هربتلك ...........

أخاف قلبى يقربلك

و دمعى يسيل على بعدك

و أخاف منك ..........

ف  حيرة الشوق و أنا بهواه

ف  قربه و بعده قلت الآه

حايلت الروح عشان تنساه

قالت لى ملكنى رغم جفاه

قا لت لى بخاف أغيب عنه

و أخاف ألقاه

و أخاف منك .........

بفكر قلبى بدموعه

و جرحه زمان

بفكر قلبى  باللى باع

و باللى خان

يحلفنى عشان أسكت

و يشغلنى بحاجات تلفت

يقوللى جراحى ماضى و كان

و ألاقينى آسير حبك

و أخاف منك ..........

حبيبى ليه الأمان بيننا

بقى ضايع

و ليه الغدر لسه بشوفه

فيك طابع

تعبت من البكى وحدى

و قلبى العاصى ما بيدى

يقوللى خلاص هواه راجع

و أدور عالوفا بقلبك

و أخاف منك ................

عشان حبك دوا عينى

بخاف منه تصحينى

و أخاف مره تصافينى

آلاقينى

نسيت غدرك

و أخاف منك

حاسب



حاسب

ياللى بتحرق نفسك حاسب
أبنى مريض
من اللي ف أيدك ألمه بيكبر
و لا قادر يجرى يوم العيد
إتنفس سِمك و براحتك
بس بعيد
نفسى يمرّ الشتا و البرد
و قلبى سعيد
نفسى يجيلى ربيعى بورد
مش بالحبس و لا التهديد
خليت أبنى من الأوجاع
مخنوق و وحيد
لساك راكب عقلك لسه
و لنفس الموضوع بتعيد
طب يا أنا يا أنت
و بينّا الجلسه
و القاضى عادل بالتأكيد
زى ما خلّيت أبنى إتعذب
تستاهل جلاد و حديد
زى ما عاش الربو مأنس
جدران بيتنا
راح تتنفس نار و وعيد
لجل ما تعرف حرقة قلبى
و نارى و دمعى و أبنى مريض



عيوني تشوف

عيوني تشوف

عيونى تشوف

و مش شايفه اللي جوه الناس

تشوف البسمة بس ما تعرف الأحساس

تحس الصدق من كدبه

و تتعجب من الأحساس

طبايع ف البشر صعبه

و كاس بيضل بيه الناس

تجور ع اللي عليك بيخاف

و ترحل ف الضلال طواف

تغطى على الضمير بلحاف

و تهدى الحق بالحبة

و تتأمن و لا تؤمن

و سر الناس معاك معلن

و تتعارك و تتماسك

بضعف الحجة و الغربة

غريب دايما فى وسط الكون

و بتقول ع الزمان ملعون

و مين لعنه سوى مثلك

لا يوم غواك و لا ضللك

آذيت نفسك

شطبط الضبط من أسمك

و ما بترسم سوى طلسم

و آيامك كما اللعبة

هتلعبها و ما تكسبها

هتفرح لما تكسبها

و ترجع تانى تخسرها

و لا تفهم آلا عيبها

لأن العمر مش حسبة

و لا تعرف تساوى كام

و تقدر هتكسب كام

و آخرك كوم رماد و ركام