مين اللي عايز عيديه
اديه م الرزمه ديه
ورقة دولارات ب ميه
علي كيلو لحمه هديه
.
نعمل شوربه و طواجن
أو نعجن ف المعاجن
و نهيص في الأماكن
و نغني ع الطبليه
.
مين اللي عايز فلوس
نصرف. تهدا النفوس
و نجيب كبش و تيوس
و تهيص الخلق ديه
.
مين اللي عايز بواكي
طوابير تدَّن تكاكي
و الكل يقول فداكي
و المنسي يقول : ( غبيه)
.
مين اللي عايز كوارع
م الفرحه ف كل شارع
ربك أكرم و شارع
م الجود أيام هنيه
.
مين اللي عايز و لسه
مش شبعان م الموالسه
مدسوس في سواده دسّه
و أيامه مش رضيِّه
.
مين خد، و مخدش حاجه
عايش باشا و خواجه
جواه بحر السذاجه
مستور و الستر غيِّه
.
هدِّيك، متقولش تاني
شغل قلبك ثواني
هتعيش تحسب. تعاني
قِسمه و محسوبه هيه
.
ليست هناك تعليقات:
إرسال تعليق