مبروك عليك الطوارىء
*********************************
مبروك عليك الطوارىء
طارق و طارق و طارق
يتربوا فى عزك
نسلّك ما يوم راح يفارق
و لا حد راح يبقى غارق
طول ما إحنا في عزّك
طارق دي ابن المبادىء
بالحق واعد و صادق
ف الضهّر غارز و راشق
و ده كبير نسلّك
و التانى جه برده طارق
من فرحى بيه قلبي فارق
أصبحت للعزوه عاشق
و أنا عشقي من عشقك
و الفرحة بانت علينا
لما الأخير جه إلينا
ع السعد كان داقق
قدّنا الشموع للسبوع
ولّعنا من ده الخنوع
اللي ف نار شمعك
و بقيت بفرحك تفوت
تاخد بكانا النقوط
تنسج لنا العنكبوت
لو حدّ فات منك
و نقول حلاقاته
محلّى كراماته
بالحسن نور شاقق
و نقول تحياته
و نقول عظاماته
عمره ما كان غامق
مولود على صبرنا
شاهد على قهرنا
من يوم جدود جدك
خدنا الموغات ساده
و الدمعة متّعاده
من يوم ما جه عهدك
ليست هناك تعليقات:
إرسال تعليق