تعبان اوى مـ الوليه
***************
***********
********
*****
**
يا خالق البريه
تعبان اوى مـ الوليه
بتعكر دمى دايما
و تخلص عـ المهيه
الظالمة المفتريه
داخلة فـ مية جمعيه
و كل يوم مشاكل
و أنا خايف من قضيه
تخلعنى و ابقى ضايع
مخلوع و بلا هويه
إيدها تقيلة و رزيه
تمشى عمارة معديه
لو صوتى بس يطلع
بتهد البيت عليا
دى بتقعد عـ العيال
لو غلطوا فـ السؤال
أو راحوا للبقال
أو جريوا فـ يوم عليه
بتخلص كل الأكل
و لا أجدع أسرة نمل
تعشق خناقات الأهل
و بتشترى الأذيه
دايما جايبة الجيران
و تذيع زى الأعلان
رغى و لت و إدمان
للكدب و للبليه
فـ البيت دايما أنضف
أطبخ و أغسل و أشطف
لو أكون فـ الحق مُـنصف
بتنيمنى فـ نمليه
ليست هناك تعليقات:
إرسال تعليق