بقيت بنساك
بقيت بنساك
بقيت بحلّو
لو حتي منيش وياك
و بتمشي و اروح و ارجع
و أعيش من غير ما بتوجع
و لا أصرخ، و انت لا تسمع
و لا أترجاك
،،،
بقيت بالوقت بتعود
لا أحايل فيك و لا اتودد
لا أعديلك و لا تزود
و لا استناك
بقيت بنساك
،،،
بدأت اسمع بشر غيرك
و لا غيرني تفكيرك
و حلّق في السما طيرك
معدش معاك
،،،
يقولوا و يحكوا قدامي
أسامي، كلها أسامي
كرهت، و شفت أوهامي
و مش عايزاك
،،،
زهور في حياتي بتفتح
بقيت أعرف كمان أفرح
و أغمض و انت بتجرح
و لا شايفاك
،،،
و حاول فيّه تتأمل
تراجع قبل ما تكمل
و تتغير و تتبدل
عشان أهواك
،،،
ليست هناك تعليقات:
إرسال تعليق