في دنيا

في دنيا كلها منزل
فيه ناس عن ناس بتستاهل
و ناس من ناس بتتساهل
و ناس بأحبابها بتضحي
و تتباعد و تتشاغل

و خلق بخلق ملهيه
و خلق بخلق منسيه
و دنيا كبيره و شقيه
تعلّي الواطي و السافل

حبايب كلهم كانوا
حبايب بس أهم هانوا
و خانوا و عاشوا بيعانوا
و راح الحب بالساهل

و مين جاب الفرح عندك
و مين طبطب علي خدك
و مين لملم وصال ودك
و مين عن وجعك إتشاغل

حبيبك كان بيستني
و جاب الكون إليك جنه
و كنت كتير بتتجني
و سبته في حيرته بيحايل

و صاحب كان مهوش جمبك
و مال ع اللي بأذي صدك
و سابك في الدروب وحدك
و كان قلبه قوي و كاحل

مصالح دايره تتصالح
و كسبان اللي عاش طايح
و كله في بعض بيناطح
و داب الود و اتنازل