فركشني
.
حبيبي فركشني
و ف روخي فشفشني
كان حلمي ينعشني
لكن ده كان قدري
.
عمال بيروشني
عمره ما بشبشني
بالجرح عششني
و طلع أوام يجري
.
حبيبي مش غاوي
ع الشر كان ناوي
و بحلّ و بساوي
و يعود مطنشني
.
و سألتو ع الماضي
قال كله كان عادي
آمنت بيه قاضي
و لقيته فتشني
.
و زاولني أنا مزاوله
شغلني بيه شغله
و مشيت و راه سحله
و إن قمت يفرشني
.
و عملت له فتوه
قلت اخده بالقوه
لطشني علي سهوه
و ف جيبه كرمشني
،
اديته سماعه
و عملت له اذاعه
جبت له ولاعه
و رماها و نتشني
.
و أخدنا و ادينا
قلنا و ما خلينا
كان نفسي يراضينا
و آلاقيه مفرفشني
.
و هديت عشان يهدا
قلت كفاياه مناهده
و اديته كام ورده
قطَّعها و هبشني
.
دا ما حسّ علي دمه
و شكيته أنا لأمه
شمّر كده كمه
و أخدني دشدشني
.
و تعبت مش لاعب
دي مناكفه و متاعب
و بعدي في مصاعب
و الحب ليه حايشني
.
آخرتها أنا اتفركش
و الحب كان مشمش
دي أنا كنت شئ مدهش
طب ليه بيكرشني
.
فرشت له الشقه
و مقلتلوش لاء
بهدلني في النفقه
و آخرها فيشني
.
باين عليه هوبا
و أخدت انا الضربه
جاتوا يجي مية كوبه
بالجرح فنشني
.
.
حبيبي فركشني
ليست هناك تعليقات:
إرسال تعليق