ياللى شاغلنى
ياللى شاغـلنى و فـكرى فـيـك و ف حالـك
شاغلاك أنـا ولا لسه ما جيت عـلـى بـالـك
الـحــب دوبــنى و الـقـلب عـاش لـوصالك
و الـفكر غــالـبنى لــيلى و نهار مــيلالك
بفرح قــوى لمـا بـيـجــود علــّيه سـؤالــك
وأطــير أنا بكـلمة عـن حسن تاه بخيالك
تــأمــرنى بـالــنظــرة أبقى أوام جيالــك
ليه تفـتكرنى فـي يوم و في شهر ناسـينى؟
خايفه عليك مــن اللوم و عـتابى يـاعـينى
بـدعى تـحب فـي يـوم و تـحس بحنـبنى
قلبى العليل مــظــلوم بالشـوق و بـأنـينى
بتجينى حلم فـي نــوم بـالآه تــصحيـنى
يصحى الحنين محروم بـــدموعه يكوينى
و أهجر غرامك فـين و أنــت اللى تكوينى
أمتى بقى هتـبوح و تـــحـن و تنـــادى؟
الحب موج بيثور و الـعــشق فـيك هـادى
العين دى تحرس ليك والعين دى بتدادى
و إيـد تطـبطـب و إيـد تحلـم تكون راضى
بالحب كله أهـديك و أنت تقــول عــادى
و بعـمـرى كـلـه أفـديك و يمر عـالفـاضى
لا ف يوم صعبت عليك و لا لـنت لودادى
هو إنت ليه مغرور و غرامى مـش هـمـك؟
و إذاى تبيع و تجور و أنا كنت فـي دمـك
هديت جسور و قصـور و الحلم كان حلمك
علـّيـت في أرض البور و سكـنت فوق ألمـك
ياللى إنت مش معذور بتشق ليه جرحك؟
بكره الدمـوع هــتفور و هـترتوى ندمــك
تحلـم بصـبـح و نـور و بقـلـبى لو ضمـك
ليست هناك تعليقات:
إرسال تعليق