مش قادر أفهمك

         مش قادر أفهمك

مش قادر أفهمك       

   ولا قادر اتحملك

ليه بتعمل كل حاجه  

   وكأنى انت ملك

*مصعبتش يوم عليك   

   وانا ضايع بين ايديك

 لالقيتنى ولا لاقيك  

    وغرام قلبى اتهلك

1- قول عايز ايه وريح 

 قلبى اللى ما شاف حنان

  خلتنى أكون اسيرك   

     وادور عالأمان

خلتنى اخاف لاتبعد    

     واكون عاشق جبان

2- صدقني خلاص تعبني 

كتر الجرح ف هواك

بتصدق فيه ياما   

    لو حتي بكون معاك

مارتحش الفكر ثانيه 

  في بعادك أو لؤاك

دورت كتير عليك

دورت كتير عليك


دورت كتـــــير عــلـــــــيك و قـــلت مــش هـــلاقيك
توهت ف أوهامـى بيك و تعـــبت أنا من غرامك
هــو الــلى يــحـب حـــد إذاى بــيـــنسى الوعـــد
هـــزار دى و لا جــــــــد اللى سمعته فى كلامك
لما أنت هتــــبقى غايب عشـــمت ليــه حبــايـب ؟
خليت ليه القلب دايب ؟ عــودت الأيــد ســلامك

لمـــا أنت نويت تـفــارق ليه ما قولتش عالحقايق ؟
و سبــت القــلب غـــــارق أهون من الشوق خصامك

بقلبي إتدفي

    بقلبى اتدفى

نام على كتفى بقـــــــــــــلبى اتدفى

عمرى ما هقسى و عمرى ما هجفى

أحلم و أهــــــــــــــــرب من أيامـــــك

من دنيا بتســـــــــــــــــبق أقــــــدامك

نور حبنا عمره ما راح يطــــــــــــــفى

لو من جرحك يوم راح تبــــــــــكى

خــــــــــلّى البكى ينزل على خدى

و أرمى همــــومك عندى و أحكى

و يا حنـــــانى الآه هتــــعــــــــــــدى

هيكون آيه حزنـــــك يلا اشــــــكى

و هيدوب جرحك من شوق ودى

احنا اتنين من روحنـــــــــــــا هربنا

و فى روح واحده سكننا و عشنـــــا

قبـــــل مـا دنيتــــــنا تـــــدوبـــــــــــنا

فرحنــا بحـب قلوبنا و طيــــــــــــشنا

و بـــــــحبنـا ما فى شىء يغــــــــلبنا

و لا حــــــــاجة فى الدنيا هتدوشنا

أي حاجه

لوفارقة معاك فى حاجة هتعمل أى حاجه

بتهون أذاى سنينى ؟ و هوان قلبى و حنينى

و دموع ساكنة فى عينى ولا شايف أى حاجة

الضعف أذاى بيسكن فى قلوب بالحب عاشت ؟

كانت احلام و صحيت و لا أيام و فاتت ؟

اشواق القلب ندمت دى حتى الذكرى هانت


ضحيت بالكون عشانك و عشانى عملت أيه؟

مليت من حب قلبى مش سايبه يمشى ليه ؟

تاه قلبك ليه فى دربى و الوفا ودعته ليه ؟

لو عمرى الماضى ينطق و لو الأيام تقول

هتقول أذاى بتعشق و تسيب الشوق يطول ؟

و هوانا يضيع و يغرق قدام صمت العقول

بتوعدني

بتوعدنى

بتوعدنى بــبكره أعيش

و آلاقى بكره ما يكفـيش

أنا عايزاه زمــــــن كله

            يكون بسـتان و أنا ضــله

و أكون كل اللى فــاضله

            و فجره و نسمته و أملـه

يتــوعـدنى و بستـــنى

             يجينى بكـــره بالأفراح

و أعيش على أملى و أتمنى

           و يجى بكــره كله جراح

و أعشــم قلــبى بالجنه

و يصحى الحلم كل صباح

بـرىء اللـى قــدر يحلم

            فى وسط الدمع و الأحزان

لاقادر من الحــياه يسلم

            ولا فى الحـب ليه بستان

ولا من جــرحه مــتكلم

            ولا حـس بحــنان و امان

اللي حصل

اللى حصل

شـفـتوا اللى حصل و اللى جرى لى 

         حبـــيبى بيقسى على حالى

و خـلاص الطـيب بـقى يتعيب

          و القـلب العاشق بقى خالى

بـعـد مــا  نـفـضــنى و خـــلانــى 

          زى ما جيت للدنيا الجانى

بقى عنى بعيد و مافيش مواعيد 

          ولا حتى يــرد على ســؤالى

خدوا منى حكايتى إفتكروها  

          إقــروهـا كتير قوى ذاكروها

دى حكاية يوماتى بتتكرر

        الله يرحم زمن الأحساس

كـانت الناس حلوه كما السكر

      كانت بتحس بوجع الناس

كانوا العشاق عالهوى أقدر 

         و بيشربوا سوى من نفس الكاس

الــله يــجازيك يا للى فى بالى 

       كان نفسى تكون غير ما أنا شايفك

يـامــــا قلت عـــليك إنك عــالى

       بالطيبه و الذوق كنت أنا واصفك

أصبـــحت رخيــص بعــد الغـالى

       و كــأنى مــا كنتـــش يوم عارفك

مفيش حدّ

مفيش حد

مفيـــش حد يقــــدر يعشق قلبك قد قلبى

لا بتـــقدر تعيش ولا تقدر ترتاح إلا جمبى

دى أنا اللى بحبك من همسك و من غير كلامك

و أنا اللى بحبك و بعــــــــيش لك و بعشق غرامك

و أنا اللى بدوب من يـوم بعدك و لحظة خصامك

ضـحكتى لمـــا أفرح          آلـــمــى لما أتعب

دمـعى لما أحــــــزن          يبقوا فيك يا حبى

فرحة عمــرى عنـدك         أملى هــــــو ودك

عمرى يوم ما اصدك          دربك هوه دربى

لما بتنجرح

كل أما بتنجرح

كــــل أمـــا بتــــنـــــجـــرح            كــــل أمــــا بتــــفتــكرنى

و لا يــــــوم قـــلــبــى فــرح            و أنـت بحـــبك آســرنى

مســـــجونه أنا فى غرامك            بــين شكــــك و أتهامك

بين حيرتك بين خصامك            ريحنى و كون هاجرنى

قـــلبـــك لـو لــيــه حــــب            كــان عــاش لوحـدى أنا

مـــتـأكــد ليـه أنـى هـصبر            و هــســتــنـــاك هـــنـــــــــا

أنــا مــش صــابــره علـيك            أبـــدا و حيــــاة عيــنيك

فـــيه شــىء بـاقى ألـــيك           هــوه اللى بيك شاغلنى

لـــيه لـــما تـــعـود لــقـلبى            بتــعــود بالأه و جرحك

بــتــجـرح فــيــه حــبــــى             و بتــــرمى لقلبى همك  

أنـا مــش عايـزاك تجينى             و تــفــرّح بــس عــيـنــى

عـايزاك تـحتـاج حنـيـنى             و بــالــحب تبــادلـــــنى

مرّيت في خيالك

مرّيت فى خيالك

مريت فى خيالك      

                            طب جيت على بالك

طب ليه مطمن و مخمن 

أنى أنا راجعه لك

خليك فى أمالك                                    

     و أنا مش جيالك

إذاى بعد ما ضعت بغدرك

 أرجع و أصفى لك

لو آخر واحد فى الدنيا               

          و لو قلبى عليك هيموت

عمرى ما أفكر أرجع ثانيه  

             و على قلبى هعدى و أفوت

 حنيت كام مره لأيامى                    

  علشان تترجى أعود

              كام مره ندمت على غرامى       

     و على حبى اللى ما له حدود                  

                  أنا شايفاك فاضى قدامى       

           و حنينك شىء مهدود

                  أشتقت تعذب و تدمر                

 ناس كانت روحهم فيك

                 مهما تعذب فيهم أكتر           

       بيسامحوا و يرجعوا ليك

             بس المره دى أوعى تفكر      

       من جرحك نسيوا عينيك

مقدرتش تهواني

مقدرتش تهوانى

مقدرتش تهوانى و مقدرتش تنسانى

مقدرتش ترجعلى و لا قادر تقسانى

ليه بتحب فراقى و بتنادى لأشواقى

باقى ولا مش باقى و عايز أيه يا أنانى

مقدرتش تداوينى و مقدرتش تجافينى

مقدرتش تجرحنى ولا قادر تصافينى

خليك كده فى مكانك مش راح أعيش بحنانك

و لا هيقتلنى هوانك و قربك بقى يكوينى

مقدرتش تتقرب و لا عايز تتغرب

أبعد و أهجر و أهرب و أوعى عليك يوم أصعب

و أنا لو جت يوم سيرتك هطوى عليها بحيرتك

و أدعى لك لو شفتك يا رب ما تتعذب

لو كنت في مكاني

لو كنت ف مكاني

لو كنت ف مكاني

هتتحمل عشاني

و تتحدي الناس و الدنيا

و لا هتنساني

هتوفي لما توعد

و لا هتهجر و تبعد

تهرب و تروح و تعند

و تسيبنى لأحزاني

و لا هيهمك ملامهم ؟و لا هتسمع كلامهم ؟

تتعب من يوم خصامهم و تفوت قلبي وحداني ؟

أنا خدت قرار في نفسي

هقول لروحي أقسي

و إن جالك بالموده

أمانه يا روحي ترسي

عايز آيه مني تاني ؟

يا أبو قلب حجر أناني

هان كل اللي ما بيننا

و راجع لي تقوللي أرسي

عمري كان بإختيارك

بين هجرك و إعتذارك

و ما خدتش من غرامك

غير حيرتك و إنكسارك

إذاي للقصه أصدق

و إنت بتكره و تعشق

ف اليوم مية ألف مره

يا ساقيني من مرارك

تروح و تغيب

تروح و تغيب

تروح و تغيب ماتسألشي

و أ قول مشغول و مازعلشى

و أقول بكره أكيد راجع

تفوت جمعه و ماترجعشى

حبيبي فين مراسيلك ؟

و لو تعبان أنا آجيلك

سهرت الليل أغنيلك

حبيبي أمانه ماتغيبشي

حبيبى لو بتهوانى

تعالى إسأل على حالى

بقلبي و روحي و كيانى

بدوب من البعد ياغالي

أمانه أوعى تنسانى

يا شاغل فكري و ف بالي

جيرانى و أهلى و أصحابي

لاموني كتير علي حبك

فاكرني و لا ف غيابى

بتهوى ناس هناك جمبك

تعبت يا كل أحبابى

من الحيره و نار هجرك

آخر حكايتي

            آخر حكايتى

آخـر حـكـايتى مــعا ك           جــرحـى و نـسـيــا ني

خطـيـت بـدرب هـوا ك           عـــمــري  و أحــزانـى

و رجـعـت بـالأشـــوا ك          أدمــى  بــحـرمـا نـــي

خـنت الـعهود يا مــلاك         وبـقـيـت  واحـد  تـا نى

تسـأ لني أ نـا  فــاكرا ك         و أنــت  الـلى عـنوا نـى

كـتر الحـنـيــن خـــلاك          بـالـهــجـر  تـقــسا نى

ولا الــبــعــاد نــســا ك         حبـي و بــقــيت جا نـي

عــا يز  تـبـيـع ذكــراك          و الــقــصـة و زمــا نـى

خـليـك مـع اللي جفـا ك          فــوت  قــلبـي  وحداني

يـاما قـلت أنا عـشـقـا ك          و صـبــرت  يــا أنـا نـي

و فــضـلـت أســتــنـا ك          و أحـصـــد في أشــجا نـى

علتني لـيـه بـســمــا ك          والــحــب  فـيـك  فــا نى

دوبـــت قــلــبـي ورآ ك         مـــن  بــحــر  لـلـتـا نــى

يــوم فــرحـتي و يــا ك          قــطــعـــت  فـسـتــا نــي

يا سلام عليك

يا سلام عليك

 يا سلام عليك

بتحب كل الناس تيجى
 لك و تناديك

يا سلام عليك

خادع و بايع و عايز قلبي أنا يشتريك

ياللي شايف نفسك

أمتي تيجي علي نفسك

و تقول اللي في نفسك

و قلبي يحن ليك

يا سلام عليك لما بتميل

ببقي عليل

و بقول تعالي أوام يا واد

صبري قليل

قلبي اللي دوبته

بعد ما عشمته سبته

تعبته و جننته

و عايزه يشتريك

يا سلام عليك لما تتدلع

قلبى يولع

و تفوت ما تسألشى بسلام

و لا يوم بترجع

مين اللي قسّي قلبك

و عودك علي كدبك

كل ده علشان بحبك

و حنين عليك

                                                                                 

بتحكم و تتحكم

بتحكم و تتحكم .....

و لا ليله قلبك داب

و أنا من عذاب لعذاب

و إنت ف هواك كداب

و لا مره تتألم

قلبي تعب يا جميل

عايش فى جرح و ويل

بتميل و لا دي قليل

علي قلب بيسلم

بتحكم و آقول حاضر

و تبعد و آعيش صابر

و طبع ف هواك غالب

إنك تكون هاجر

قالب كياني معاك

و لكل شيء ناكر

قدمت قلبي أليك

شاف الهوان بإيديك

ماتقوللي أعمل آيه

و آيه اللي راح يرضيك

دي أنا حبي ليك بيبان

في كل شيء حواليك

هونت عليك

هـــونت علــيك تستهــــتر بيه           

 و تــعذب روحــى ووجــدانى

هونت عليك كده تلعب بيه 

و تقدر على هجرى و تقسانى

فــين الــحب فـين الحنـــيه ؟  

و فـين القــلب اللى بيهوانى ؟

قدر  إذاى ينسانى فى ثانيه؟  

و يبــدل فــرحى بــأحـزانـــى

هــونت علــيك مع إنك لسه   

 كنت إمبارح جمبى فى حضنى

بتــحن لأشــواقـــى لــهـمــسه      

و فى دنيــا الأحسـاس بتاخدنى

إذاى بعــــد الـــحب بتــنسى         

و إذاى بعــد الـــهوى بتــــسبـنى

أنا أيه عملته عشان تجرحنى      

و عشـــان تهـمل كــل مشـاعــرى

يــاما داويتـــك ليــه تـدبحنى       

بـعد مـا خـدت حيــاتى و فكرى

كــان نـفسى الـدنيا تفـــرحنى       

و تكون جمبى فى رحلة عمرى

طول ما أنت غايب

طول ما أنت غايب عن عينيه

الدنيا صعبه كتير عليه

ولا فى حياه من غير أسيه

و لا فيه لؤى من غير وداع

البعد عندك سهل عادى

و الشوق فى حبك بحر فاضى

و لا فرق بين صمتى وودادى

قلبى فى هواك إحتار و ضاع

بتفوت سنين و سنين تعدى

وحدى أشتريك و أداويك و أدى

بتحس أيه و أنت فى بعدى

ولا الحنين عندك خداع

قلبى إحتواك و رواك بدمعه

نفسى فى مره تداوى وجعه

تفهم جروحه و تبقى سامعه

مش بس ليك حق السماع

من طول غيابك قلبى غارق

بيعيش يدور عالحقايق

زمن الحنان عندك مفارق

معنى الأمان فيك قال وداع

ليه الجراح كده سهله عندك

و ليه كده زايد فى عندك

و اللى قساك زى اللى ودك

و اللى أشتراك زى اللى باع