جايين يا فلسطين

 جايبن

.

جايين يا فلسطين 

ع الوعد ليوم الدين

جايين ملايين

م الموت محناش خايفين

و اهبين الروح و لا نرضي

غير لمّا نكون سوا وحده

و إلَهنا لقلبنا شاهد

إننا كلنا إيد واحده

.

جايين يا فلسطيين 

.

الشجر تقول و تنادي

يلا يا جندي ورايا عادي

و رمال الأرض تدادي

حاضنه حبايبي و أحفادي

.

جايين يا فلسطين

.

يا عروبه قوه و رهبه

راح نضربهم سوا ضربه

و نهِد العادي بهبّه

  و طوفان من جُند بلادي

.

جايين يا فلسطين

.

اسطول بحري و طيران

ضاربين من كل مكان

ع الأرض تموت يا جبان

علشان كنت إنت البادي

.

جايين يا فلسطين

.

من مشارقها لمغاربها

جايين نمحي اللي حاربها 

الصهيوني اللي خاربها

دا سنين عذب أجدادي

.

جايين يا فلسطين

.

حربنا إصرار و شهاده

و هيزول كل اللي إتمادي

أرض الإسلام ولاده

و عهدكوا تخاريف و بلاده

.

جايين يا فلسطين

.

يا أم الأحرار اتهني

ابنك تهديه و تغني

بكره نعمّر و هنبني

فوقكم أمجاد و سعاده

.

جايين يا فلسطين

.

و نَوِيت و عَقَدت رحالي

ودَّعت الزور و الغالي

و رفعت الراس للعالي

و جَمَعْنا أمل و إراده

.

جايين يا فلسطين 

.

كل بلادنا العربية 

أراضيها شموخ و آبيه

حِلم ولادها الحريه

و علي الأعداء وآده

. 

جايين يا فلسطين

.

جايين يا فلسطين

.

.

جايين يا فلسطين

.

.

الشعر

 الشِّعر في عيونك عجز 

يوصف مَداك

و السِّحر في وجودك دجل

قبِّل يَداك

و القلب جايب روحي و عامللي اِعتراك

جاي يعتذر

عن إنه فَوِّت عُمر قبلك مش معاك

****

قول 

قول

كلمه واحده يا ملاك

يا ملاك 

قلبي هواك 

و هفضل معاك

****

زلزلت في معاني الغزل

لما ظهر للنور بهاك

وصلت روحي للقمر

و العقد شفته نجوم سماك

و الكون لقلبك يا جميل

بيدور يميل لسنين وراك

طب قُلِّي قلبي إذاي ينام

و أنا لسه في تلميذ ف العَلام

بالحب بتهجي الكلام

عايش صِيام

و العيد رضاك

****

دايم جماله و الخجل 

ع الخد بان

معزور يا ناس و إيه العمل

و لا ليه بيبان

و يطل يبقي الصيف ربيع

و الكون آمان

و أنا بنتظر

أعلنت حبي من زمان

و القلب ليك عايش

و نفسه ينول لقاك

***

اوصف لي شعورك

 اوصف لي شعورك

.

اوصف لي شعورك، و إنت بتتخان

لمَّا  بتتبدل، وسط الأحزان

و إنت بتتعارك، و تقوم خسران

و تنام بظنونك، و تقوم تعبان

تتقل بهمومك، تفضل سرحان

فتروح علي بكره، تلاقيه خلصان

.

.،

اوصف لي شعور، اسمه الخذلان

لو يوم حبتني، كان حبك بان

ليه كده طفيتني، روح بلا ألوان

مستكتر صبري، وسط النسيان

اديتك قدري، و طلبت أمان

و هدتني  بجمري، نار في الوجدان

مش عارف تسمع، صوت و لا إنسان

تنده ع الذكري، تلقاها بيبان

.،

اوصف لي شعورك، طب و إنت جبان

خايف لا أعرفها، أو حاجه تبان

أو أشوفك أحس، إنك همدان

اوصف لي شعورك، و إنت بتتهان

مجروح بكرامتك، غدر و نكران

بتفكر تهرب، و مفيش عنوان

خد عمرك كله، و الباقي كمان

تصرخ و تدمع، جواك بركان 

.،

طب إيه فيك قوللي، جواك متصان

و غرامي ف قلبك، ليه بالاحسان ؟

يعني بتتصدق ؟ بدل الهجران

لاء روح و أهجرني، خليك بردان

و اخرج من قدري، متسيبش حنان

و العشره آهي خدها، أنا مش عطشان

هرتوي بدموعي، و هقوم فرحان

إنك مش جمبي، بعد التوهان