اللي وعدته
.
دي القلب اللي اتمنيته
و اللي هويته
نفس القلب اللي انت نسيته
دا القلب اللي انت داويته
و يا ما راعيته
و اللي كأنك
عمرك ما رأيته
*
اللي وعدته و من روحه خدته
و اللي ف أغلي غرام عيشته
كنت هواه و قواه و مرايته
و فجأه هدمت اللي انت بنيته
لما هويته انت ظلمته
روحك فيه و ودعته و بعته
بعد ما كنت أمانه خدعته
و ليه دوبته و ليه طفيته
.
ليه الهوا وياك بيعدي
زي ربيع بيفوت و بيخلص
و الدقات ليه زي حاجات
لما بناخد منها بتخلص
و اللي إمبارح كان غالي عندك
ليه في إيديك بيهون و بيرخص
.
أنا مش زيك أنا إنسانه
ليه مشاعري و ليه كياني
مش هقبل بعد ما هدتني
ارجع ليك و تعود تنساني
و لا هرضي بقلبك يسرقني
و لو بعده الدنيا هتجفاني
.
