بتآنس بالله

بتآنس بالله

و بجالس في الله

و اللي عاداني بسيبه

بيشوف اللي جناه

اللي ندا له عطاه

و اللي إدي له رضاه 

و اللي بيدعي و صابر

دي يا سعده و يا هناه

بين الااه و الآه

العبد و مولاه

يترجاه يدعيله

و يجيله اللي رجاه

بيحب اللي ناجاه

و يقوي اللي ناداه

ربك أوعي تسيبه

من غيره يا ويلاه

تتصبح بالله 

و تنام بسم الله

أصحي له في مراسيله

في صلاتك تلقاه

صلي عليه الله

أحمد عبد الله

صل عليه دي حبيبك

تنعم من تقواه

أنا ندمان

أنا ندمان ان انا ضيعتك من أيامي

ليه انا سبتك ، ليه عذبتك ، و انت غرامي

كنت تسامح، كنت انا جارح قوي في كلامي

كنت بترسم لي الأفراح و النور قدامي

و اما أنا بحلم كنت بتسبقني في أحلامي

..............

انا ندمان ان انا يا حياتي مصنتش وعدك

و عشان كده ملقتش حبيبي حبيب من بعدك

كل الناس بوشوش و رتوش و مشفتش رسمك

زي ملاك بلقاك و أهواك و بموت من صدك

نفسي يدوب الدمع اوام و يزول من خدك

.............

انا زعلان من الدنيا الصعبه اللي بتغوينا

بتتوهنا و تخلينا نسيب بعضينا

شفت اذاي الشوك و النار كانوا في وسطينا

نغضب ،تحرق كل قلوع الشوق حوالينان

بعدها نلقي رماد الحب بقي مغطينا

.............

ليه محسسني اني بغني قصص منسيه

مادد ايدي و كلي وفاء و زهور ورديه

راجع ليك بدموع و بشوق ويا رومانسيه

لما تسامح صدق قلبي دي حاجه عاديه

ياما في الدنيا احباب رجعوا ، قبلي و بعديا

..............

انا بتغير بس عشان تقبل ترجعلي

يا للي زمان كنت اما أتألم تتوجعلي

مين في حنانك خلي شموسك بقي تطلعلي

طال الليل في غيابك قوم صافح و اسمعلي