صنوف من الستات
تنساك بسرعة برق
صنوف تعدلها
و صنوف تبدلها
و صنوف مع العشره
تلقاها أحسن خلق
و صنوف تنادي لها
تلقاها عايزه الحرق
صنوف بتاخدك عفي
جيبك يكون عمران
وقت الخطر تختفي
دول مش بني إنسان
تخلعنا بعد الهنا
و كإننا جرزان
صنوف بتتبدل
و صنوف بتتعدل
و صنوف كمان تنزل
للوحل و الدوبان
صنوف معاك في الدلع
و ف الوجع زوغان
و تجيب عليك البلا
بالكدب أو بالزق
و صنوف ف علم اللوع
علم و أدب و بيان
خلوا البريء متهم
بقي جاني حتي كمان
و لسه فيهم عشم
و عندنا احسان
فيهم كمان الملك
و اللي لازمها الشق
و فيهم اللي صدق
و فيهم اللي جبان
علي كل شكل النسا
و كـأنهم ألوان
لكن إلهي حكم
و الحق هو الحق
جمع ما بيننا و بعد
و كله عنده يبان
مردود بعلم الزمن
للواحد الديان
مكتوب هناك في السما
مين اللي بكي و خان
و مين لخلقه ظلم
و مين لتوبه شق
يا ململمين الفرح
و موسعين الفتق
آدي الهوا في دربكم
و الدنيا غرب و شرق
خدوا حتي من نفسكم
ذكري حنين أو عشق
مش عايز أسمع همس
من اللي ماضي و كان
و آدي الحريم يا جدع
ملهمش أي أمان
