فتح عينيك
فتح عينيك ع الدنيا و أضحك لها
الدنيا مكتوب لك تروح عندها
تاخدك شي طخ و طيخ و مبسوطة
و تقع تقوم معدول و واقف لها
فتح عينيك شوف الوشوش كام وش
وش يلاقيك بالشوق و فيك بيغش
و تحب ناس و تضيع في ناس علي ناس
و ناس كتيره لا تستحي و لا تكش
فتح عينيك شوف دول صوابعك كام
عد الهموم ماتعدش الأيام
محلي العلام يا دنيا يا مدرسة
بتعلمينا في وسط شوك و زحام
فتح عينيك شايف قصاديك مين
شايف وشوش متقولش بني أدمين
لابسين قلوب و كأنهم بقلوب
ليهم دموع و كأنهم حاسين
فتح عينيك في الدنيا فيه ناس كده
فيهم سواد بالروح و بالأفئده
يتلونوا و كأنهم تعابين
روحك تروح راجعه و متردده
